17.09.2026: वर्मा फाउंडेशन व मैत्री पीस फाउंडेशनतर्फे आयोज‍ित कार्यक्रमामध्ये राज्यपालांनी दिव्यांग व्यक्तींना व्हीलचेअर्सचे वाटप केले

17.09.2026: पंतप्रधान नरेंद्र मोदी यांच्या वाढदिवसानिमित्त आयोजित सेवा संकल्प अभियानांतर्गत आज राज्यपाल जिष्णु देव वर्मा यांच्या हस्ते दिव्यांग व्यक्तींना व्हीलचेअर्सचे वाटप करण्यात आले. वर्मा फाउंडेशन व मैत्री पीस फाउंडेशनतर्फे यशवंतराव चव्हाण प्रतिष्ठान येथे व्हीलचेअर वितरण तसेच राष्ट्रीय उत्कृष्टता पुरस्कार सोहळ्याचे आयोजन करण्यात आले होते.
कार्यक्रमाला महामंडलेश्वर राजेश ओझा महाराज, मैत्री पीस फाउंडेशनचे अध्यक्ष सुरजित बरुआ, सचिव मिलन पारेख, वर्मा फाउंडेशनचे अध्यक्ष व्ही. वर्मा, पी.एन. स्वामी महाराज, राज्यपालांचे सचिव डॉ. प्रशांत नारनवरे, पद्मश्री पुरस्कार विजेत्या शोमा घोष, समाजसेवक नवीन चंद्र, यांच्यासह राष्ट्रीय उत्कृष्टता पुरस्कार विजेते, लाभार्थी तसेच विविध क्षेत्रांतील मान्यवर उपस्थित होते.
यावेळी ११ दिव्यांग व्यक्तींना व्हीलचेअरचे वितरण करण्यात आले तसेच विविध क्षेत्रात उत्कृष्ट कार्य करणाऱ्या ३२ व्यक्तींना राष्ट्रीय उत्कृष्टता पुरस्कार देण्यात आले.