19.08.2026: राज्यपालांनी ब्रह्माकुमारी संस्थेतर्फे आयोजित ‘१० कोटी नशामुक्ती प्रतिज्ञा महाअभियानाचे’ उद्घाटन केले

19.08.2026: राज्यपाल जिष्णु देव वर्मा यांनी आज ब्रह्माकुमारी संस्थेतर्फे आयोजित ‘१० कोटी नशामुक्ती प्रतिज्ञा महाअभियानाचे’ उद्घाटन केले. यावेळी विविध महाविद्यालयांमधून आलेल्या शेकडो विद्यार्थ्यांना राज्यपालांनी नशामुक्तीची प्रतिज्ञा दिली तसेच ‘नशामुक्ती अभियान व्हॅन’ला हिरवा झेंडा दाखवून रवाना केले. यावेळी कौशल्य विकास मंत्री मंगल प्रभात लोढा, ब्रह्माकुमारीजच्या संयुक्त प्रशासकीय प्रमुख राजयोगिनी संतोष दीदी, ब्रह्माकुमारी संस्थेच्या मेडिकल विंगचे प्रमुख बी. के. बनारसी लाल, राज्यपालांचे सचिव डॉ. प्रशांत नारनवरे, एसएनडीटी महिला विद्यापीठाच्या कुलगुरु प्रा. उज्ज्वला चक्रदेव, एचएसएनसी विद्यापीठाच्या कुलगुरु डॉ. हेमलता बागला, ब्रह्माकुमारीजच्या विविध केंद्रांतील बंधू व भगिनी तसेच विद्यार्थी उपस्थित होते.
ब्रह्माकुमारी मुंबईतर्फे सुरू करण्यात आलेल्या या महाअभियानाचा उद्देश युवकांमध्ये अमली पदार्थ व व्यसनाधीनतेविरोधात जनजागृती निर्माण करणे तसेच व्यसनमुक्त जीवन जगण्याची प्रतिज्ञा घेण्यासाठी प्रेरित करणे हा आहे.