मेनू टॉगल
अधिक
    बंद

    प्रसिद्धीपत्रक

    द्वारे फिल्टर:
    24.07.2026: आयकर विभागाचा १६७ वा स्थापना दिवस आज राज्यपाल जिष्णु देव वर्मा यांच्या प्रमुख उपस्थितीत विभागाच्या 'कौटिल्य भवन' बीकेसी मुंबई येथील मुख्यालयात साजरा करण्यात आला. यावेळी मुंबईचे प्रधान मुख्य आयकर आयुक्त आलोक कुमार, अभिनेते विकी कौशल, निमंत्रित आयकर दाते तसेच आयकर विभागाचे अधिकारी व कर्मचारी उपस्थित होते.

    24.07.2026: राज्यपालांच्या उपस्थितीत १६७ वा आयकर दिन साजरा

    राज्यपालांच्या उपस्थितीत १६७ वा आयकर दिन साजरा कर विभागाचा ‘भीतीदायक यंत्रणा’ ते ‘जनस्नेही संस्था’ हा…

    तपशील पहा
    24.07.2026: राज्यपाल जिष्णु देव वर्मा यांच्या प्रमुख उपस्थितीत आज राज्याच्या आदिवासी बहुल 'अनुसूचित क्षेत्रांमधील गावांचा समूह विकास' (Cluster Development in Tribal Areas) या विषयावर आदिवासी विकास विभागाशी संबंधित अधिकाऱ्यांची बैठक व्हिडीओकॉन्फरन्सिंगच्या माध्यमातून संपन्न झाली. अनुसूचित क्षेत्रांमधील आदिवासी लोकांसाठी उपजीविकेची साधने निर्माण करून त्यांचे स्थलांतर थांबविण्याबाबत पावले उचलावी अशी सूचना राज्यपालांनी यावेळी केली. विभागाचे अभिनंदन करताना राज्यपालांनी अधिकाऱ्यांना अनुसूचित क्षेत्रांमध्ये शिक्षण व आरोग्य विषयाकडे विशेष लक्ष देण्यास सांगितले. आदिवासी भागांमधील वनोपज उत्पादनाचे विपणन व पॅकेजिंगवर योग्य पद्धतीने करून उत्पादने खुल्या बाजारात आणण्यास मदत करावी असे राज्यपालांनी सांगितले. यावेळी आदिवासी विकास विभागाचे सचिव डॉ विजय वाघमारे व आदिवासी विकास आयुक्त डॉ लीना बनसोड यांनी सादरीकरण केले. बैठकीला राज्यपालांचे सचिव डॉ प्रशांत नारनवरे, आदिवासी संशोधन व प्रशिक्षण संस्थेचे आयुक्त निलेश सागर, राज्यपालांचे सहसचिव एस राममूर्ती, अतिरिक्त आदिवासी आयुक्त, एकात्मिक आदिवासी विकास प्रकल्पांचे प्रकल्प अधिकारी व इतर अधिकारी उपस्थित होते.

    24.07.2026: आदिवासी गावांचा सर्वांगीण विकास करून स्वावलंबी आदर्श गावांची निर्मिती करा- राज्यपाल

    आदिवासी उत्पादनांच्या विपणनावर भर द्या; योजनांच्या परिणामाचे मूल्यांकन करा आदिवासी गावांचा सर्वांगीण विकास करून स्वावलंबी…

    तपशील पहा
    23.07.2026: महाराष्ट्राचे राज्यपाल ज‍िष्णु देव वर्मा यांच्या सुचनेनुसार लोकभवनातील अध‍िकारी-कर्मचाऱ्यांसाठी तसेच त्यांच्या कुटुंबियांसाठी 'कीटकजन्य व जलजन्य आजार प्रतिबंध व उपचार' या व‍िषयावर एक द‍िवसाच्या शिबिराचे आयोजन करण्यात आले. महाराष्ट्र लोकभवनाने बृहन्मुंबई महानगरपालिकेच्या सार्वजनिक आरोग्य विभागातील वैद्यकीय आरोग्य अधिकाऱ्यांनी कीटकजन्य व जलजन्य आजार प्रतिबंध व उपचार याबाबत मार्गदर्शन केले. श‍िबीरात ११० कर्मचाऱ्यांच्या व‍िव‍िध तपासण्या करण्यात आल्या. महानगरपालिकेच्या आरोग्य विभागातील कर्मचाऱ्यांनी यावेळी कर्मचाऱ्यांच्या घरोघरी जाऊन कुटुंबियांच्या रक्ताची तपासणी केली. राज्यपालांचे परिवार प्रबंधक डॉ निशिकांत देशपांडे यांनी शिबिरामध्ये सहभागी झालेल्या वैदयकीय अध‍िकारी व कर्मचाऱ्यांचा सत्कार केला. लोकभवन येथील वैद्यकीय अधिकारी डॉ विक्रमजीत पडोळे यांनी श‍िबीर आयोजनात सहकार्य करणाऱ्या वैदयकीय अध‍िकारी व कर्मचाऱ्यांचे आभार मानले.

    23.07.2026: लोकभवन येथे कीटकजन्य व जलजन्य आजार जनजागृती शिबिर संपन्न

    लोकभवन येथे कीटकजन्य व जलजन्य आजार जनजागृती शिबिर संपन्न महाराष्ट्राचे राज्यपाल ज‍िष्णु देव वर्मा यांच्या…

    तपशील पहा
    23.07.2026: लोकमान्य बाळ गंगाधर टिळक यांच्या १७० व्या जयंती निमित्त राज्यपाल जिष्णु देव वर्मा यांनी लोकभवन, मुंबई येथे लोकमान्य टिळक यांच्या प्रतिमेला पुष्पांजली वाहून अभिवादन केले. यावेळी राज्यपालांचे सचिव डॉ. प्रशांत नारनवरे, सहसचिव एस. राममूर्ती, परिवार प्रबंधक डॉ निशिकांत देशपांडे तसेच लोकभवनातील अधिकारी, कर्मचारी तसेच पोलीस अधिकारी व अंमलदार उपस्थित होते.

    23.07.2026: राज्यपालांचे लोकमान्य टिळक यांना अभिवादन

    राज्यपालांचे लोकमान्य टिळक यांना अभिवादन लोकमान्य बाळ गंगाधर टिळक यांच्या १७० व्या जयंती निमित्त राज्यपाल…

    तपशील पहा
    22.07.2026: महाराष्ट्र सर्कलचे मुख्य पोस्टमास्तर जनरल रामचंद्र जायभाये यांनी महाराष्ट्राचे राज्यपाल जिष्णू देव वर्मा यांची लोक भवन, मुंबई येथे सदिच्छा भेट घेतली. यावेळी त्यांनी संत ज्ञानेश्वर महाराजांच्या ७५० व्या जयंतीनिमित्त जारी करण्यात आलेले 'कस्टमाइज्ड माय स्टॅम्प' असलेला फोटो अल्बम तसेच भगवान बुद्ध महापरिनिर्वाण आणि महात्मा गांधी यांच्यावरील 'मिनिएचर शीट्स' असलेला फोटो अल्बम राज्यपालांना भेट दिला. महाराष्ट्र सर्कलच्या टपाल सेवा संचालिका (मुख्यालय) सिमरन कौर आणि मुंबई पश्चिम विभागाच्या वरिष्ठ टपाल अधीक्षक आस्था जैन या देखील यावेळी उपस्थित होत्या.

    22.07.2026: पोस्टमास्तर जनरल रामचंद्र जायभाये यांनी घेतली राज्यपालांची भेट

    पोस्टमास्तर जनरल रामचंद्र जायभाये यांनी घेतली राज्यपालांची भेट महाराष्ट्र सर्कलचे मुख्य पोस्टमास्तर जनरल रामचंद्र जायभाये…

    तपशील पहा
    22.07.2026: महाराष्ट्राचे दिवंगत माजी उपमुख्यमंत्री अज‍ित पवार यांच्या जयंतीनिमित्त राज्यपाल जिष्णु देव वर्मा यांनी आज लोकभवन येथे त्यांच्या प्रतिमेला पुष्पांजली वाहून अभिवादन केले. यावेळी राज्यपालांचे सचिव डॉ. प्रशांत नारनवरे, सहसचिव एस. राममूर्ती, परिवार प्रबंधक डॉ निशिकांत देशपांडे तसेच लोकभवनातील अधिकारी, कर्मचारी तसेच पोलीस अधिकारी व अंमलदार उपस्थित होते.

    22.07.2026: राज्यपालांचे दिवंगत उपमुख्यमंत्री अज‍ित पवार यांना अभिवादन

    राज्यपालांचे दिवंगत उपमुख्यमंत्री अज‍ित पवार यांना अभिवादन महाराष्ट्राचे दिवंगत माजी उपमुख्यमंत्री अज‍ित पवार यांच्या जयंतीनिमित्त…

    तपशील पहा
    21.07.2026: महाराष्ट्राचे राज्यपाल तथा विद्यापीठांचे कुलपती जिष्णु देव वर्मा यांनी आज ‘स्वयंसिद्धा’ या राज्य सार्वजनिक विद्यापीठांशी संबंधित महिला सक्षमीकरण पोर्टल संदर्भात राज्यातील विद्यापीठ समन्वयकांशी लोकभवन मुंबई येथून ऑनलाईन पद्धतीने संवाद साधला. यावेळी एसएनडीटी महिला विद्यापीठाच्या कुलगुरु प्रा. उज्ज्वला चक्रदेव, राष्ट्रसंत तुकडोजी महाराज नागपूर विद्यापीठाच्या कुलगुरु डॉ. मनाली क्षीरसागर तसेच ‘स्वयंसिद्धा’च्या राज्य समन्वयक अनुराधा पोतदार यांनी सादरीकरण केले.

    21.07.2026: स्वयंसिद्धा समन्वयकांशी राज्यपालांचा संवाद

    स्वयंसिद्धा समन्वयकांशी राज्यपालांचा संवाद महाराष्ट्राचे राज्यपाल तथा विद्यापीठांचे कुलपती जिष्णु देव वर्मा यांनी आज ‘स्वयंसिद्धा’…

    तपशील पहा
    21.07.2026: राज्यपाल तथा विद्यापीठांचे कुलपती जिष्णु देव वर्मा यांनी आज राज्यातील सर्व राज्य विद्यापीठांमधील क्रीडा विभाग प्रमुख व क्रीडा संचालकांशी संवाद साधला. विकसित भारत निर्माण करण्यात खेळांची भूमिका देखील महत्वाची आहे असे सांगून विद्यापीठांनी महाविद्यालय तसेच विद्यापीठ स्तरावर 'स्पोर्ट्स इकोसिस्टिम' तयार करावी असे राज्यपालांनी सांगितले. यावेळी शिवाजी विद्यापीठाचे क्रीडा संचालक डॉ शरद बनसोडे व मुंबई विद्यापीठाच्या क्रीडा विभागाचे संचालक डॉ मनोज रेड्डी यांनी सादरीकरण केले.

    21.07.2026: राज्यपालांचा राज्यातील विद्यापीठांच्या क्रीडा प्रमुखांशी संवाद

    राज्यपालांचा राज्यातील विद्यापीठांच्या क्रीडा प्रमुखांशी संवाद; विद्यापीठांनी खेळांसाठी पोषक वातावरण तयार करण्याची सूचना राज्यपाल तथा…

    तपशील पहा
    18.07.2026: इस्कॉन, जुहू तर्फे आयोजित ४५ व्या श्री जगन्नाथ रथयात्रेला राज्यपाल जिष्णु देव वर्मा यांच्या उपस्थितीत भक्तिवेदांत स्वामी मिशन स्कुल अंधेरी मुंबई येथून आरंभ झाला. यावेळी राज्यपालांनी रथावर आरूढ झालेल्या श्री जगन्नाथ, बलदेव व सुभद्रा यांच्या प्रतिमांची आरती केली व रथयात्रेच्या मार्गिकेला झाडूने स्वच्छ केले. रथयात्रा हा सनातन धर्म व भारतीय संस्कृतीतील एकमेवाद्वितीय अनुभव आहे. या उत्सवानिमित्त भगवान जगन्नाथ भक्तांच्या भेटीसाठी बाहेर येतात. पूर्वी जगन्नाथ पुरी येथे तसेच काही ठिकाणी सीमित असलेला जगन्नाथ रथयात्रा महोत्सव इस्कॉनचे संस्थापक श्रील प्रभुपाद यांनी जगाच्या विभिन्न भागात पोहोचवला असे यावेळी राज्यपालांनी सांगितले. यावेळी राज्याचे बंदर विकास मंत्री नितेश राणे, खासदार हेमा मालिनी, आमदार अमित साटम, हिंदुजा समूहाचे अध्यक्ष प्रकाश हिंदुजा, रथयात्रा महोत्सवाचे अध्यक्ष डॉ सूरदास, इस्कॉन जुहूच्या अध्यक्ष बृजहारी दास, उपाध्यक्ष मुकुंद माधव, राज्यपालांचे सचिव डॉ प्रशांत नारनवरे तसेच मोठ्या संख्येने भक्त उपस्थित होते.

    18.07.2026: राज्यपालांच्या उपस्थितीत मुंबईतील जगन्नाथ रथयात्रेला आरंभ; झाडू घेऊन राज्यपालांनी रथयात्रेची मार्गिका स्वच्छ केली

    राज्यपालांच्या उपस्थितीत मुंबईतील जगन्नाथ रथयात्रेला आरंभ; झाडू घेऊन राज्यपालांनी रथयात्रेची मार्गिका स्वच्छ केली इस्कॉन, जुहू…

    तपशील पहा
    17.07.2026: राज्यपाल तथा राज्यातील विद्यापीठांचे कुलपती जिष्णु देव वर्मा यांच्या प्रमुख उपस्थितीत पुणे येथे 'डिजी 100 एक्स महाराष्ट्र' या उच्च शिक्षण, कौशल्य विकास, नवोपक्रम आणि स्टार्ट-अप्स विषयावरील परिसंवादाचे समारोप सत्र संपन्न झाले. यावेळी उच्च व तंत्र शिक्षण मंत्री चंद्रकांत दादा पाटील, MITRA चे मुख्य कार्यकारी अधिकारी प्रवीण परदेशी, सिंबायोसिस आंतरराष्ट्रीय विद्यापीठाच्या प्रकुलपती डॉ. विद्या येरवडेकर, टाटा प्रोजेक्ट्सचे व्यवस्थापकीय संचालक व मुख्य कार्यकारी अधिकारी विनायक रत्नाकर पै, 'डिजी'चे संस्थापक व मुख्य कार्यकारी अधिकारी हेमंत सहल यांच्यासह उच्च शिक्षण संस्थांचे प्रमुख, उद्योग क्षेत्रातील मान्यवर आणि शिक्षणतज्ज्ञ उपस्थित होते.

    17.07.2026: विद्यापीठांनी शिक्षणासह कौशल्यांचे एकत्रिकरण करणे आवश्यक-राज्यपाल

    17.07.226 विद्यापीठांनी शिक्षणासह कौशल्यांचे एकत्रिकरण करणे आवश्यक-राज्यपाल जिष्णु देव वर्मा विद्यापीठांना रोजगार देणारे पदवीधर निर्माण…

    तपशील पहा
    17.07.2026: पंतप्रधान नरेंद्र मोदी यांच्या ऑनलाईन उपस्थितीत आज देशातील ७७ पुनवर्विकसित अमृत रेल्वे स्थानकांचे उदघाटन संपन्न झाले. यामध्ये राज्यातील नांदुरा व बारामती या दोन पुनर्विकसित अमृत स्थानकांचे देखील उदघाटन करण्यात आले. या कार्यक्रमाला महाराष्ट्राचे राज्यपाल जिष्णु देव वर्मा हे पुणे येथील लोकभवन येथून दुरस्थ माध्यमातून उपस्थित होते.

    17.07.2026: पंतप्रधानांच्या हस्ते पुनवर्विकसित अमृत रेल्वे स्थानकांचे उदघाटन

    पंतप्रधानांच्या हस्ते पुनवर्विकसित अमृत रेल्वे स्थानकांचे उदघाटन पंतप्रधान नरेंद्र मोदी यांच्या ऑनलाईन उपस्थितीत आज देशातील…

    तपशील पहा
    16.07.2026 : राज्यपाल जिष्णु देव वर्मा यांनी मुंबईतील ऐतिहासिक छत्रपती शिवाजी महाराज वस्तु संग्रहालयाला भेट देऊन विविध कलाशैलींमधील ऐतिहासिक व कलात्मक वस्तूंच्या संग्रहाचे अवलोकन केले. यावेळी राज्यपालांनी संग्रहालयाच्या कार्याचे कौतुक केले तसेच देशातील नामशेष होत चाललेल्या पारंपरिक कलांचे जतन करण्यासाठी सहकार्य करण्याचे आवाहन केले. संग्रहालयाचे महासंचालक सव्यसाची मुखर्जी यांनी राज्यपालांना संग्रहालयाचा इतिहास, वाटचाल आणि कार्याची माहिती दिली. त्यांनंतर त्यांनी संग्रहालयातील अन्य क्युरेटर्ससह प्राचीन भारत व विश्व दालन, शिल्पकला दालन, हिमालयीन कला दालन तसेच लघुचित्रे आणि वस्त्र संग्रहालय दाखवले. वस्तू संग्रहालय आपले फिरते संग्रहालय तसेच इतर जनजागृती कार्यक्रमांद्वारे सर्वसामान्य नागरिक आणि विद्यार्थ्यांमध्ये देशाच्या समृद्ध वारशाबाबत जागरूकता आणि संवेदनशीलता निर्माण करण्याचे कार्य करीत असल्याचे मुखर्जी यांनी सांगितले.

    16.07.2026: राज्यपालांची छत्रपती शिवाजी महाराज वस्तु संग्रहालयाला भेट

    राज्यपालांची छत्रपती शिवाजी महाराज वस्तु संग्रहालयाला भेट राज्यपाल जिष्णु देव वर्मा यांनी गुरुवारी (दि.१६) मुंबईतील…

    तपशील पहा